20.12.2024 | 21:50
Առաջիկայում Թուրքիայի ԱԳ նախարարը կայցելի Սիրիա
Արցախի ռազմաքաղաքական ղեկավարների դեմ հարուցված քրգործերը փոխանցվել են Բաքվի զինվորական դատարան
Քաղաքականություն
20.12.2024 | 15:31
Ադրբեջանում ապօրինաբար պահվող Արցախի ռազմաքաղաքական ղեկավարների ու այլ պաշտոնյաների նկատմամբ հարուցված քրեական գործերը փոխանցվել են Բաքվի ռազմական դատարանի նախագահ Զեյնալ Աղաևի վարույթ։
Ադրբեջանական լրատվամիջոցներին այս մասին հայտնել է փաստաբան Ադեմ Մամեդովը, որը ճանաչվել է քրեական գործով տուժողներից մեկի իրավահաջորդ։ Նա նշել է՝ իր հայրը՝ Մահերրամ Մամեդովը, որը զոհվել է Ղարաբաղյան առաջին պատերազմում, տուժող է ճանաչվել և ինքն էլ մասնակցելու է դատարանում որպես իրավահաջորդ։ Նախնական դատական նիստի օրը հայտնի կդառնա առաջիկա օրերին։
Ավելի վաղ Ադրբեջանի գլխավոր դատախազությունը հայտնել էր, որ քրեական գործերը փոխանցվել են դատարան, որը քննելու է 15 անձի նկատմամբ գործ՝ ընդհանուր 2548 դրվագով։
Թարգմանությունը՝ Էմմա Չոբանյանի
