09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Սննդի օբյեկտների արտոնագրային վճարի ձևավորման չափորոշիչները կփոխվեն. վարչապետը ժամանակ տվեց
Տնտեսություն
13.07.2017 | 13:03
ՀՀ Կառավարությունն այսօր անցկացրեց հերթական նիստը: Մինչ օրակարգի հարցերին անդրադառնալը վարչապետ Կարեն Կարապետյանը հանդես եկավ հանձնարարականներով, որոնցից մեկը վերաբերվում էր հանրային սննդի ոլորտում արտոնագրային հարկի կիրառմանը:
«2016 թվականին ընդունված Հարկային օրենսգրքով հանրային սննդի ոլորտում գործունեություն իրականացնող կազմակերպությունների մասով սահմանվել էին նոր չափանիշներ, մասնավորապես ներկայումս գործող հանրային սննդի օբյեկտի արտոնագրային վճարի կիրառման համար սպասարկման սրահի առավելագույն շեմ հանդիսացող 600 քառակուսի մետր պահանջի փոխարեն սահմանվել էր 100 քառակուսի մետր»,- ասաց վարչապետը՝ նշելով, որ Փոքր և միջին ձեռնարկատիրության զարգացման խորհրդի հերթական նիստի ժամանակ բարձրացվել էր տվյալ ոլորտի տնտեսվարողների համար հնարավոր ռիսկերի հարցը:
Հաշվի առնելով փոքր և միջին ձեռնարկատիրության զարգացման կառավարության քաղաքականությունը՝ վարչապետը հանձնարարեց ՀՀ ֆինանսների, տնտեսական զարգացման և ներդրումների նախարարներին, ՊԵԿ նախագահին մեկամսյա ժամկետում համատեղ քննարկել հանրային սննդի ոլորտում փոքր և միջին ձեռնարկատիրական կազմակերպությունների արտոնագրային վճարի կիրառման համար սահմանված տարածքի մակերեսի առավելագույն շեմի վերանայման հնարավորությունը և կառավարության աշխատակազմ ներկայացնել առաջարկություն:
