10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գաբրիելյանին. ՏԵՍԱՆՅՈՒԹ
Կուրսկի շրջանում զոհվել կամ վիրավորվել է մի քանի հարյուր հյուսիսկորեացի զինվոր. Պենտագոն
Քաղաքականություն
18.12.2024 | 17:17
ԿԺԴՀ-ի զորքերը Կուրսկի շրջանում հարյուրավոր զոհեր և վիրավորներ ունեն։ Այս մասին հայտնում են New York Times-ը և Associated Press-ը՝ Պենտագոնի բարձրաստիճան պաշտոնյային վկայակոչելով, նշում է Current time-ը։
Զրուցակիցը չի հայտնել կորուստների ստույգ թիվը, սակայն նշել է, որ մեծ թիվը կապված է նրա հետ, որ ԿԺԴՀ-ի զորքերը իրական մարտական գործողությունների մասնակցելու փորձ չունեն։
Սա Ռուսաստանի կողմից Ուկրաինայում կռվող հյուսիսկորեական զորքերի կորուստների առաջին գնահատականն է։ Նախկինում Պենտագոնի խոսնակ Փեթ Ռայդերը միայն հայտնել էր, որ նրանք մարտի են դուրս եկել Ռուսաստանի կողմից Կուրսկի շրջանում և կորուստներ են կրել։ Ուկրաինայի նախագահ Վլադիմիր Զելենսկին նույնպես հայտնել է հյուսիսկորեացի զինվորականների կորուստների մասին։
«Նախնական տվյալներով՝ ռուսները փորձում են թաքցնել հյուսիսկորեացիների կորուստները։ Ուկրաինայի պաշտպանության ուժերը և մեր հետախուզությունը ամբողջական տեղեկատվություն են պարզում ռուսական ստորաբաժանումների իրական կորուստների մասին, որոնցում ներգրավված են նաև կորեացիները։ Ցավոք սրտի, ստիպված ենք նաև նրանցից պաշտպանվել»,- ասել է Զելենսկին։
Հավելենք, որ ավելի վաղ Կիևը Կուրսկի ուղղությամբ զոհվածների տասնյակ լուսանկարներ էր ցուցադրել, որոնց թվում նաև հյուսիսկորեացիներ կան։
Թարգմանությունը՝ Էմմա Չոբանյանի
