07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Ալիևի իշխանության կոռուպցիոն բացահայտումների համար ադրբեջանցի բանտարկված լրագրողը Բլինքենի կողմից մրցանակի է արժանացել
Քաղաքականություն
10.12.2024 | 19:26
ԱՄՆ-ը կոռուպցիայի դեմ պայքարում Anticorruption Champions Awards մրցանակով պարգևատրել է նաև կալանավորված ադրբեջանցի ընդդիմադիր լրագրող Սևինջ Վագիֆքըզիին։ ԱՄՆ Պետքարտուղարության Թմրամիջոցների դեմ պայքարի և իրավապահ համագործակցության բյուրոն հայտնում է, որ ադրբեջանցի լրագրող Սևինջ Վագիֆքըզիին ճանաչել է 2024 թվականին կոռուպցիայի դեմ պայքարի առաջատարներից։
«Ադրբեջանցի լրագրող Սևինջ Վագիֆգիզին ավելի քան մեկ տասնամյակ է նվիրել կառավարության չարաշահումների բացահայտմանը: Նա նաև միակ մրցանակակիրն է, որն այսօր մեզ հետ չէ։ Այժմ, ավելի քան մեկ տարի անց, նա մնում է կալանքի տակ։ Մինչ ձերբակալվելը Սևինջը գրել էր. «Ես այլևս վախ չեմ զգում: Ես գիտեմ, թե ինչ կարող են անել, դա ինձ չի խանգարում։ Ավելի կարևոր է օգտակար լինել մարդկանց, մարդիկ մեր կարիքն ունեն»»,- ասել է պետքարտուղար Էնթոնի Բլինքենը մրցանակների հանձնման արարողության ժամանակ, գրում են ադրբեջանական լրատվամիջոցները։
Նշենք, որ Վագիֆքըզին Abzas Media-ի գլխավոր խմբագիրն է, հայտնի հետաքննող լրագրող, որը բացահայտում է բարձր մակարդակներում կոռուպցիան, այդ թվում՝ Ադրբեջանի նախագահ Իլհամ Ալիևին ու նրա ընտանիքին առնչվող։ Նա ձերբակալվել է 2023 թվականի նոյեմբերի 21-ին և մինչ օրս բանտում է։
Abzas Media-ի գործով, որը հիմնականում զբաղվում է Ադրբեջանի իշխանությունների կոռուպցիոն գործարքների հետաքննությամբ, ընդհանուր առմամբ, կալանավորված են վեց լրագրողներ՝ տնօրեն Ուլվի Հասանլին, փոխտնօրեն Մուհամմադ Կեկալովը, գլխավոր խմբագիր Սևինջ Վագիֆքըզին, լրագրող Նարգիզ Աբսալամովան և հետաքննող լրագրող Հաֆիզ Բաբալին, լրագրող Էլնարա Գասիմովան, տնտեսագետ Ֆարիդ Մեհրալիզադեն։ Նրանց մեղադրանք է առաջադրվել Ադրբեջանի Քրեական օրենսգրքի յոթ հոդվածներով (մաքսանենգություն, որը կատարվել է կազմակերպված խմբի կողմից, ապօրինի ձեռնարկատիրություն, դիտավորությամբ կեղծ փաստաթղթերի օգտագործում, հարկերից խուսափել և այլն): Այս հոդվածները նախատեսում են մինչև 12 տարի ազատազրկում։
Լրագրողներից որևէ մեկն առաջադրված մեղադրանքը չի ընդունում։ Նրանք հայտարարում են, որ լրատվամիջոցին ու իրենց պատժում են մասնագիտական գործունեության համար։
Ի դեպ, Հայաստանից Anticorruption Champions Awards-ին արժանացել է ՀՀ արդարադատության նախարար, գլխավոր դատախազի նախկին տեղակալ Սրբուհի Գալյանը։
Էմմա Չոբանյան
