08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԱՄՆ պետքարտուղար Էնթոնի Բլինքենը Սրբուհի Գալյանին է հանձնել Anticorruption Champions Awards մրցանակը
Հասարակություն
10.12.2024 | 10:29
Սրբուհի Գալյանն արժանացել է Anticorruption Champions Awards մրցանակին․ տեղեկացնում են ՀՀ արդարադատության նախարարությունից։
Մրցանակը նրան հանձնել է ԱՄՆ պետքարտուղար Էնթոնի Բլինքենը: ԱՄՆ Պետքարտուղարության Թմրամիջոցների դեմ պայքարի և իրավապահ համագործակցության բյուրոն Սրբուհի Գալյանին 2024 թվականին ճանաչել է կոռուպցիայի դեմ պայքարի առաջատարներից՝ ապօրինի ծագում ունեցող գույքի բռնագանձումը որպես կոռուպցիայի դեմ պայքարի կարևորագույն գործիք կիրառելու համար:
Միջազգային ճանաչում և վարկանիշ ունեցող այս մրցանակը փաստում է երկրի ՝ կոռուպցիայի դեմ պայքարի հանձնառությունը, այն նպատակ ունի ճանաչել և աջակցել կոռուպցիայի դեմ պայքարող անձանց ու կազմակերպություններին: Այս մրցանակը տրվում է աշխարհի տարբեր երկրներում կոռուպցիայի դեմ պայքարող անձանց, ովքեր նշանակալի ավանդ ունեն հակակոռուպցիոն գործունեության մեջ: Հիմնական առանձնահատկություններն են՝ խրախուսել և աջակցել աշխարհի տարբեր երկրների հակակոռուպցիոն գործիչներին և աջակցել թափանցիկության և հաշվետվողականության բարձրացմանը
Շնորհավորում ենք Սրբուհի Գալյանին՝ հիշեցնելով, որ Հայաստանում նա առաջին Anticorruption Champions Awards-ի մրցանակակիրն է»,- ասված է գերատեսչության տարածած հաղորդագրությունում։
Ավելի վաղ, այս մասին հաղորդագրություն էր տարածել ՀՀ-ում ԱՄՆ դեսպանությունը։
