16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Լևոն Տեր-Պետրոսյանը ևս չի ընդունել Անկախության տոնին մասնակցելու՝ կառավարության հրավերը
Քաղաքականություն
20.09.2018 | 15:22
Հայաստանի առաջին նախագահ Լևոն Տեր-Պետրոսյանը չի մասնակցի սեպտեմբերի 21-ին Անկախության օրվա տոնակատարությանը։ Այդ մասին Factor.am-ին հայտնեց առաջին նախագահ Լևոն Տեր-Պետրոսյանի մամուլի խոսնակ Արման Մուսինյանը՝ հրաժարվելով այլ մանրամասներ հայտնել:
Ավելի վաղ Factor.am-ին երկրորդ նախագահ Ռոբերտ Քոչարյանի գրասենյակից տեղեկացրել էին, որ Քոչարյանը ևս չի մասնակցի անկախության տոնին:
Ինչ վերաբերում է երրորդ նախագահ Սերժ Սարգսյանին, ապա նրա գրասենյակի պատասխանատու Նաիրի Պետրոսյանի հետ մեզ կապ հաստատել չհաջողվեց: ՀՀԿ խոսնակ Էդուարդ Շարմազանովը, սակայն, մեր հարցին ի պատասխան՝ կընդունի՞ Սերժ Սարգսյանը հրավերը, ասել էր՝ Նիկոլ Փաշինյանը նախ պետք է ներողություն խնդրի երկրորդ և երրորդ նախագահներից նրանց քաղաքական դիակ անավանելու համար:
Հիշեցնենք՝ ՀՀ վարչապետի աշխատակազմի ղեկավար Էդուարդ Աղաջանյանը հայտարարել էր, որ անկախ նախկին նախագահների նկատմամբ հասարակության վերաբերմունքից, նրանք հրավիրվել են՝ մասնակցելու Հայաստանի անկախության տարեդարձի միջոցառումներին։
