08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ուկրաինան, մինչ Թրամփի երդմնակալությունը, ԱՄՆ-ից ռազմական օգնության փաթեթ և 20 մլրդ դոլարի վարկ կստանա
Քաղաքականություն
06.12.2024 | 15:32
Վաշինգտոնում Ուկրաինայի նախագահի գրասենյակի ղեկավար Անդրեյ Երմակի հետ հանդիպման ժամանակ ԱՄՆ նախագահի ազգային անվտանգության հարցերով օգնական Ջեյք Սալիվանն ասել է, որ Կիևն ԱՄՆ-ից օգնության ևս մեկ փաթեթ կստանա մինչև Դոնալդ Թրամփի երդմնակալությունը 2025 թվականի հունվարին։ Այս մասին հայտնում է The Guardian-ը, որին վկայակոչում է BBC-ի ռուսական ծառայությունը։
Նշվում է, որ օգնության ռազմական մասը ներառում է «հարյուր հազարավոր լրացուցիչ հրետանային արկեր, հազարավոր հրթիռներ և հարյուրավոր զրահամեքենաներ»։Բացի այդ՝ ԱՄՆ-ն օգնություն է խոստանում Ուկրաինայի սահմաններից դուրս գտնվող օբյեկտներում զինվորականների ուսուցման հարցում:
Լրատվամիջոցը նաև հայտնում է գրեթե ձեռք բերված համաձայնության մասին՝ Կիևին վարկերի տեսքով 20 միլիարդ դոլար հատկացնելու մասին, որոնք ապահովվելու են ռուսական սառեցված ակտիվներից ստացված եկամուտներով։
Ուկրաինային օգնությունը պետք է ամրապնդի նրա դիրքերը Դոնալդ Թրամփի երդմնակալության նախօրեին և ուկրաինական պատերազմի հարցում ամերիկյան վարչակազմի կուրսի փոփոխությանը։
Ավեի վաղ լրատվամիջոցները հայտնել էին, որ Ուկրաինայի նախագահի գրասենյակի ղեկավար Անդրեյ Երմակը հանդիպել է Դոնալդ Թրամփի թիմի ներկայացուցիչներին՝ ազգային անվտանգության հարցերով խորհրդականի պաշտոնում առաջարկված Մայք Ուոլցին ու Ռուսաստանի և Ուկրաինայի հարցերով հատուկ բանագնացի պաշտոնի հավակնորդ Քիթ Քելլոգին։
Թարգմանությունը՝ Էմմա Չոբանյանի
