17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Զելենսկիի գրասենյակի ղեկավարը հանդիպել է Թրամփի թիմին․ Կիևը «ծրագրում է հայտարարել խաղաղությանն իր պատրաստակամության մասին»
Քաղաքականություն
05.12.2024 | 13:49
Ուկրաինայի նախագահի գրասենյակի ղեկավար Անդրեյ Երմակը հանդիպել է Դոնալդ Թրամփի թիմի ներկայացուցիչներին՝ ազգային անվտանգության հարցերով խորհրդականի պաշտոնում առաջարկված Մայք Ուոլցին ու Ռուսաստանի և Ուկրաինայի հարցերով հատուկ բանագնացի պաշտոնի հավակնորդ Քիթ Քելլոգին։ Սեփական աղբյուրներին վկայակոչելով՝ այս մասին գրում են Reuters-ը և The Wall Street Journal-ը, փոխանցում է Meduza-ն։
WSJ-ի տվյալներով՝ քննարկումներին նաև միացել է ընտրված փոխնախագահ Ջեյ Դի Վենսը։ Լրատվամիջոցը հայտնում է, որ դրանից առաջ Երմակը նաև հանդիպել է Սյուզի Ուայլսին, որի Թրամփի օրոք ղեկավարելու է Սպիտակ տան աշխատակազմը։
WSJ-ի աղբյուրների համաձայն՝ Երմակը այցելել է Վաշինգտոն Թրամփի օգնականների հետ հարաբերություններ հաստատելու համար, և որ Ուկրաինան «նախատեսում է հայտարարել խաղաղությանն իր պատրաստակամության մասին»։
«Սակայն դա պետք է լինի կայուն խաղաղություն։ Անկայուն, ժամանակավոր խաղաղությունը չի համապատասխանում ո՛չ ԱՄՆ-ի, ո՛չ Ուկրաինայի շահերին»,- Կիևի ծրագրերին ծանոթ աղբյուրը։
Reuters-ն էլ գրում է, որ Թրամփի անցումային թիմից չեն պատասխանել մեկնաբանության խնդրանքին։
Թարգմանությունը՝ Էմմա Չոբանյանի
