30.04.2026 | 20:00
Ադրբեջանը ոչնչացնում, յուրացնում է հայկական հետքը․ սա թույլ չի տալիս լիարժեք հավատալ խաղաղությանը․ Դիաննա Կարապետյան. ՏԵՍԱՆՅՈՒԹ
«Հայկական կարուսել» տերմինում էթնիկ նշաններ չկային․ Վրաստանի նախագահ
Քաղաքականություն
06.12.2024 | 12:56
Վրաստանի նախագահ Սալոմե Զուրաբիշվիլին Հանրային հեռուստաընկերությանը տված հարցազրույցում բացատրել է խորհրդարանական ընտրություններից հետո դրանց կեղծման մասին իր հայտարարությունը։ Այն ժամանակ Associated Press-ի հետ զրույցում նա հայտարարել էր «հայկական կարուսելի» կիրառման մասին, ինչը սկանդալ էր հարուցել, փոխանցում է Գրուզիա օնլայնը։
«Ուզում եմ ասել ազգությամբ հայ [Վրաստանի քաղաքացիներին] և հայերին [հարևան երկրում], որտեղ նույնպես ակտիվ է ռուսական քարոզչությունը։ Այս «հայկական կարուսելը» որևէ էթնիկ երանգավորում չուներ»,- վստահեցրել է Զուրաբիշվիլին։
Վրաստանի ղեկավարի խոսքով՝ ինքն առաջին անգամ լսել է այս արտահայտությունը, երբ վերադարձել է Վրաստան Էդուարդ Շևարդնաձեի օրոք։ Կեղծիքի նույն մեթոդը, ըստ նրա, կիրառվել է Միխեիլ Սաակաշվիլիի օրոք։
«Եթե չեմ սխալվում՝ Հայաստանում դա անվանում են «վրացական կարուսել»։ Դրա մեջ ընդհանրապես էթնիկ պատկանելություն չկա»,- հավելել է նա:
Վրացական լրատվականը նշում է, որ Սերբիայում, Հյուսիսային Մակեդոնիայում, Հունգարիայում, Բոսնիա և Հերցեգովինայում ընտրակեղծիքի նմանատիպ մեխանիզմը կոչվում է «բուլղարական գնացք», իսկ Բուլղարիայում՝ «հնդկական թել»։
Թարգմանությունը՝ Տաթև Ֆռանգյանի
