22.12.2024 | 22:00
Ինքնաթիռի կործանում Բրազիլիայում․ կան զոհեր և տուժածներ
«Վրացական երազանքը» ընտրություններում «հայկական կարուսել» է կիրառել. Սալոմե Զուրաբիշվիլի
Քաղաքականություն
29.10.2024 | 20:42
Վրաստանի նախագահ Սալոմե Զուրաբիշվիլին Associated Press-ին տված հարցազրույցում հայտարարել է, որ իշխող «Վրացական երազանք» կուսակցությանը մեղադրում է ռուսական մեթոդների և ձևերի կիրառման, այսպես կոչված, «ռուսական ոճով հատուկ գործողություն» պլանավորելու, ինչպես նաև այդ գործընթացում ՌԴ ԱԴԾ-ի կողմից հնարավոր օգնության մեջ, գրում է Sova news-ը։
Զուրաբիշվիլին ընդգծել է, որ հոկտեմբերի 26-ի ընտրությունները կեղծվել են բարդ մեթոդներով։
«Սա ներառում է չարաշահումներ, այդ թվում՝ ահաբեկում, ճնշում մարդկանց վրա, որոնք կախված են պետական ծառայությունից կամ սոցիալապես անապահով մարդկանց վրա: Սրանք մարդիկ էին, ում նրանք օգտագործել են անցյալու, բայց այս անգամ դա տեղի ունեցավ տեխնոլոգիայի կիրառման հետ միասին»,- ասել է նա։
Հարցին, թե ի՞նչ նկատի «տեխնոլոգիաների կիրառում» ասելով, Զուրաբիշվիլին պատասխանել է՝ «հայկական կարուսել»։
«Այստեղ ասում ենք «հայկական կարուսել»։ Ես չգիտեմ՝ նրանք դա անվանո՞ւմ են, արդյոք, «վրացական կարուսել»։ Սա նշանակում է, որ ընտրություններից որոշ ժամանակ առաջ սկսել են սոցիալապես անապահով մարդկանցից, բանտարկյալների ընտանիքներից տարբեր պատրվակներով անձը հաստատող փաստաթղթեր խլել, ոչ ոք չէր հասկանում, թե ինչու են նրանք այդպես անում։ Փաստացի դրանք (տեղեկանքները) օգտագործվել են քվեարկության ժամանակ։ Օգտագործելով անձը հաստատող մեկ փաստաթուղթ և տարբեր էլեկտրոնային սարքավորումներ՝ դա հնարավոր է եղել անել 17 անգամ։ Նրանք ունեցել են մեծ թվով անձը հաստատող փաստաթղթեր կամ դրանց տվյալները»,- հայտարարել է Վրաստանի նախագահը։
Ավելի վաղ Զուրաբիշվիլին հայտարարել էր, որ չի ճանաչում ընտրությունների արդյունքները։
Թարգմանությունը՝ Էմմա Չոբանյանի
