13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Բալթյան երկրները որոշել են պատժամիջոցներ սահմանել Վրաստանում ցույցերը ճնշելու մեջ ներգրավված անձանց նկատմամբ
Քաղաքականություն
02.12.2024 | 12:29
Լատվիան, Լիտվան և Էստոնիան որոշել են ազգային պատժամիջոցներ սահմանել նրանց դեմ, որոնք ներգրավված են Վրաստանում ընդդիմության բողոքի ցույցերը ճնշելու մեջ։ Այս մասին X-ի իր միկրոբլոգում գրառմամբ հայտնել է Էստոնիայի ԱԳ նախարար Մարգուս Ցահկնան։
«Բալթյան երեք երկրները համատեղ պայմանավորվել են ազգային պատժամիջոցներ սահմանել նրանց դեմ, որոնք ճնշել են օրինական բողոքի ցույցերը Վրաստանում։ Ժողովրդավարության հակառակորդները և մարդու իրավունքները ոտնահարողները ողջունելի չեն մեր երկրներում»,- գրել է նա։
Նշենք, որ զանգվածային բողոքի ցույցերը Վրաստանում վերսկսվել են այն բանից հետո, երբ երկրի վարչապետ Իրակլի Կոբախիձեն հայտարարել էր, որ Թբիլիսին մինչև 2028 թվականի վերջը հրաժարվում է ԵՄ անդամակցության բանակցություններից ու եվրոպական դրամաշնորհներից։
Թարգմանությունը՝ Էմմա Չոբանյանի
