08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Արագածը՝ Էկոպարեկային ծառայության տարբերանշանի կենտրոնում
29.11.2024 | 17:17
Շրջակա միջավայրի նախարարության ենթակայությամբ ստեղծված Էկոպարեկային ծառայության տարբերանշանի կենտրոնում Արագած լեռն է։ Տարբերանշանը ներկայացվել է այսօր ծառայության գործարկմանն ընդառաջ կազմակերպած միջոցառման ժամանակ։
Էկոպարեկային ծառայության տարբերանշանի աջ կողմում կարմիր գույնով պատկերված է կրակ, իսկ ձախում՝ կապույտով ջրի կաթիլ։ Ներքևի հատվածում Հայաստանի դրոշն է, որի վերին մասում պատկերված են եղջերու, ծառեր, թռչուններ։ Տարբերանշանի վրա հայերենով և անգլերենով գրված է ծառայության անվանումը։ Տարբերանշանը փակցված կլինի էկոպարեկների համար նախատեսված հագուստի վրա։ Այն նաև ծառայության կայքի նոր լոգոն է։
Գաղտնիք չէ, որ կառավարությունն այլևս չի դիտարկում Արարատ լեռը որպես խորհրդանիշ այնպես, ինչպես օրինակ ՀՀ զինանշանի դեպքում է։ Ուղիղ 1 տարի առաջ այս օրերին վարչապետ Նիկոլ Փաշինյանը բարձրաստիճան հյուրերի էր դիմավորում կառավարության շենքի սրահում, որի պատին Արագածի մեծադիր նկարն է։ Իսկ դրանից ամիսներ առաջ ասուլիսում առաջին անգամ ՀՀ ամենաբարձր գագաթի մասին խոսել էր քաղաքական ենթատեքստով։
Թեմայի առնչությամբ դիտեք նաև Factor TV-ի «Սարի հակառակ կողմը» տեսանյութը։
Անի Թամրազյան
