22.12.2024 | 21:23
Ոչ ոք չի ցանկանում 72-ամյա կնոջը բանտ ուղարկել, ստիպված կլինի հրաժարական տալ․ Կոբախիձեն՝ Զուրաբիշվիլիի մասին
Ստեփանակերտում մահացած հայուհու մարմինը 25 օր է՝ շարունակում է մնալ այնտեղ
14.11.2024 | 17:53
Էթնիկ զտման ենթարկված Արցախի մայրաքաղաք Ստեփանակերտում հոկտեմբերի 20-ին մահացած 70-ամյա Վերա Աղասյանի մարմինը 25 օր է՝ շարունակում է մնալ այնտեղ։ ԿԽՄԿ-ի ադրբեջանական գրասենյակի հասարակայնության հետ կապերի ղեկավար Իլահա Հուսեյնովան Թուրան գործակալությանն ասել է, որ կազմակերպությունը կապի մեջ է համապատասխան կողմերի հետ, ինչպես Ադրբեջանի ներսում, այնպես էլ արտերկրում՝ խնդիրը լուծելու համար։
«Մենք շարունակում ենք սերտորեն համագործակցել բոլոր շահագրգիռ կողմերի հետ»,- ասել է նա։
Նշենք, որ Վերա Աղասյանի մահվան մասին ադրբեջանական լրատվամիջոցները հայտնել էին հոկտեմբերի 23-ին։ Դատաբժշկական փորձաքննության նախնական արդյունքների համաձայն՝ կինը մահացել է թոքային զարկերակի թրոմբոզի պատճառով, սուր թոքային անբավարարությունից։ Հաղորդվում էր նաև, թե երկրի առողջապահության նախարարության մասնագետների կողմից կինը, իբր, նախկինում բուժզննում է անցել։
Լրատվամիջոցներում նրա մահից հետո տեղեկություններ էին տարածվել, որ Երևանում բնակվող Աղասյանի դուստրը կապ է հաստատել ԿԽՄԿ-ի հայաստանյան գրասենյակի հետ՝ խնդրելով մոր մարմինը հուղարկավորելու համար տեղափոխել Հայաստան։
Թարգմանությունը՝ Էմմա Չոբանյանի
