14.11.2024 | 11:11
Ձգտում եք վերադարձնել պատմական Հայաստանը, որտեղ կաք դուք, չկա ինքնիշխանություն․ Արթուր Հովհաննիսյանը՝ ընդդիմությանը․ ՏԵՍԱՆՅՈՒԹ
ՀՀ ԱԳՆ գլխավոր քարտուղարը հանդիպել է SIPRI-ի տնօրենի հետ
Քաղաքականություն
13.11.2024 | 11:55
Նոյեմբերի 11-ին Ստոկհոլմում ՀՀ ԱԳՆ գլխավոր քարտուղար Դավիթ Կարապետյանը հանդիպում է ունեցել Ստոկհոլմի միջազգային խաղաղության հետազոտությունների ինստիտուտի (SIPRI) տնօրեն Դեն Սմիթի հետ:
«ՀՀ ԱԳՆ գլխավոր քարտուղարը, ներկայացնելով Հարավային Կովկասում անվտանգային մարտահրավերները, ընդգծել է տարածաշրջանային կայունության պահպանման և միջազգային համագործակցության խթանմանն ուղղված Հայաստանի հանձնառությունը»,- ասված է ՀՀ ԱԳՆ-ի տարածած հաղորդագրությունում։
Նշվում է նաև, որ Հայաստանի՝ կայուն խաղաղությանը միտված նախաձեռնութունները ներկայացնելուն զուգահեռ, Դավիթ Կարապետյանը կարևորել է Ստոկհոլմի միջազգային խաղաղության հետազոտությունների ինստիտուտի հետ համագործակցությունը, մասնավորապես, անվտանգության դինամիկայի վերաբերյալ հետազոտությունների իրականացման և լարվածության աճին դիմակայելու ռազմավարությունների մշակման համատեքստում:
