23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
Բաքուն արձագանքել է Հաագայի դատարանի որոշումներին
Քաղաքականություն
13.11.2024 | 12:09
Ադրբեջանն ի գիտություն է ընդունել Արդարադատության միջազգային դատարանի 2024 թվականի նոյեմբերի 12-ի որոշումները՝ կապված Ռասայական խտրականության բոլոր ձևերի վերացման միջազգային կոնվենցիայի (CERD) կիրառման դեպքում Ադրբեջանի և Հայաստանի կողմից ներկայացված նախնական առարկությունների հետ։ Այս մասին ասվում է Ադրբեջանի ԱԳՆ-ի հայտարարության մեջ։
Պաշտոնական Բաքուն Հայաստանի դեմ անհիմն մեղադրանքներ է հնչեցրել՝ նշելով, թե դատարանը, իբր, «որոշում է կայացրել Հայաստանի դեմ Ադրբեջանի միջազգային հայցերի վերաբերյալ՝ կապված վերջինիս կողմից ադրբեջանցիների նկատմամբ մարդու իրավունքների լայնածավալ խախտումների հետ»։
«Դատարանն իրավացիորեն մերժել է Հայաստանի կողմից ականների և պայթուցիկ նյութերի թակարդների տեղադրման հետ կապված հայցերը բացառելու՝ Հայաստանի փորձը։ Ինչ վերաբերում է Հայաստանի հայցերի դեմ Ադրբեջանի առարկություններին, դատարանը որոշել է թողնել Հայաստանի կողմից ռասսայական խտրականության մասին կեղծ մեղադրանքների հետ կապված փաստերի և ապացույցների վերլուծությունը թողնել գործի ըստ էության քննության փուլին։ Ադրբեջանը վստահ է՝ ուսումնասիրված ապացույցները ցույց կտան, որ միջազգային իրավունքի խախտումներ չեն եղել»,- ասվում է հայտարարության մեջ։
Հիշեցնենք, որ Հաագայի դատարանն ամբողջությամբ մերժել է Ադրբեջանի ներկայացրած նախնական առարկությունները և բավարարել է Հայաստանի ներկայացրած երեք առարկություններից երկուսը:
Թարգմանությունը՝ Էմմա Չոբանյանի
