09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Ալիևի օգնականը հայտարարել է, թե դեկտեմբերին ՀՀ-ն և Ադրբեջանը կվերադառնան խաղաղության պայմանագրի տեքստի քննարկմանը
Քաղաքականություն
13.11.2024 | 11:38
Ադրբեջանն ու Հայաստանը հաջորդ ամիս կվերադառնան խաղաղության պայմանագրի տեքստի քննարկմանը։ Այս մասին ՏԱՍՍ-ին հայտարարել է Ադրբեջանի նախագահի օգնական Հիքմեթ Հաջիևը։
«Ներկայում Ադրբեջանի օրակարգում հիմնական թեման COP29-ն է՝ մինչև նոյեմբերի վերջ։ Հավանաբար, դեկտեմբերից նոր գործընթաց կսկսվի Հայաստանի և Ադրբեջանի միջև խաղաղության պայմանագրի տեքստի շուրջ բանակցությունների քննարկման և շարունակման վերաբերյալ»,- ասել է Հաջիևը։
Նա նշել է, թե փաստաթղթի տեքստում որոշակի հարցեր կան։
«Ուստի քննարկումներն ու բանակցությունները շարունակվում են փորձագիտական մակարդակով։ Քանի որ հայկական կողմը ժամանակին չի պատասխանել մեր առաջարկներին խաղաղության պայմանագրի տեքստի վերաբերյալ, դրա համար զգում ենք ուշացած գործընթաց։ Հավանաբար, դեկտեմբերից կլինի նոր գործընթաց»,- ասել է Ադրբեջանի նախագահի օգնականը։
Թարգմանությունը՝ Էմմա Չոբանյանի
