21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Ալիևի օգնականը՝ COP29-ին Հայաստանի պատվիրակության մասնակցության մասին
Քաղաքականություն
12.11.2024 | 10:45
Ադրբեջանի նախագահի օգնական Հիքմեթ Հաջիևն անդրադարձել է Բաքվում նոյեմբերի 11-ին մեկնարկած ՄԱԿ-ի կլիմայական հարցերով COP29 համաժողովին Հայաստանի պատվիրակության մասնակցության հարցին։
«Ցավով պետք է նշենք, որ հայկական պատվիրակությունը դեռևս չի արձագանքել COP-29-ին մասնակցությանը»,- լրագրողների ճեպազրույցում ասել է Հաջիևը։
Մինչ այս, Ադրբեջանի նախագահ Իլհամ Ալիևը Ֆինլանդիայի նախագահի հետ հանդիպմանն ասել է, որ «Հայաստանին հրավեր է ուղարկվել՝ մասնակցելու COP29 գագաթնաժողովին, սակայն մասնակցել-չմասնակցելը Հայաստանի որոշումն է»։
Հիշեցնենք՝ ՀՀ ԱԳ փոխնախարար Վահան Կոստանյանը նշել է, որ Բաքվում մեկնարկած Կլիմայի փոփոխության ՄԱԿ-ի վեհաժողովին մասնակցության հարցով դեռևս վերջնական որոշում չկա։ Նա շեշտել էր, որ Երևանի որոշումը կախված է լինելու մի շարք հարցերից, այդ թվում՝ գերիների վերադարձի և խաղաղության պայմանագրի շուրջ Ադրբեջանի հետ քննարկումներից։
