22.11.2024 | 23:15
Թուրքիան Սոմալիում տիեզերակայան կկառուցի
Իրավիճակը Կուրախովոյի շուրջ գնալով վատթարանում է․ DeepState
Քաղաքականություն
11.11.2024 | 19:31
Ռուսական զորքերը մոտենում են Դոնեցկի մարզի Կուրախովո քաղաքի մատույցներին, իրավիճակը շարունակում է վատթարանալ, գրում է ուկրաինական DeepState վերլուծական պորտալը, փոխանցում է BBC-ի ռուսական ծառայությունը։
Ըստ վերլուծաբանների՝ ռուսական ստորաբաժանումները հյուսիսից, հարավից և արևելքից գրոհում են ուկրաինական ուժերի դիրքերը՝ փորձելով շրջապատել քաղաքը և վերահսկողության տակ վերցնել Զապորոժիե-Դոնեցկ Н15 մայրուղին։
Իրավիճակը շարունակում է լարված մնալ Կուրախովոյից հարավ գտնվող Անտոնովկա-Կատերինովկա-Ելիզավետովկա բնակավայրերի տարածքում, որտեղ հակառակորդը փորձում է ճեղքել և դիրքեր գրավել, նշում է DeepState-ը։
Երկուշաբթի ուկրաինական և ռուսական տելեգրամյան ալիքները հայտնել են Կուրախովսկի ջրամբարի Տերնովսկայա ամբարտակի պայթյունի մասին։ Տեղեկությունները հակասական են, ոմանք պնդում են, որ ամբարտակը պայթեցրել են ուկրաինական զինված ուժերը՝ ռուսական հարձակումը դանդաղեցնելու համար, իսկ մյուսները պնդում են, որ այն փլուզվել է ռուսական գնդակոծության հետևանքով։
Աղբյուրները հայտնում են Վոլչյա գետի ջրի մակարդակի բարձրացման մասին։ Պատվարի քանդումը հաստատող լուսանկարներ կամ տեսանյութեր դեռ չկան։
Թարգմանությունը՝ Տաթև Ֆռանգյանի
