23.12.2024 | 19:40
Թուրքիայի ցամաքային զորքերի հրամանատարը Բաքվում է
ՆԱՏՕ-ի ռազմական հզորությունը զգալիորեն գերազանցում է ՌԴ-ին. Greenpeace
Քաղաքականություն
11.11.2024 | 18:28
ՆԱՏՕ-ի երկրները ռազմական առումով գերազանցում են Ռուսաստանին՝ չնայած նախագահ Վլադիմիր Պուտինի օրոք Մոսկվայի կողմից սպառազինությունների կուտակմանը։ DW-ի ռուսական ծառայության փոխանցմամբ՝ այս մասին ասվում է այսօր հրապարակված հետազոտության մեջ, որը պատվիրել է Greenpeace միջազգային հասարակական բնապահպանական կազմակերպությունը։
«Երկու կողմերի միջև հավասարություն գոյություն ունի միայն միջուկային զենքի ոլորտում»,- նշվում է հետազոտության մեջ։
Դրանում համեմատվում է վեց չափանիշ, ներառյալ՝ ռազմական ծախսերը. ՆԱՏՕ-ի երկրները ներկայում շուրջ տասն անգամ ավելի շատ են ծախսում իրենց բանակի վրա, քան Ռուսաստանը (1,19 տրիլիոն դոլար՝ 127 միլիարդ դոլարի դիմաց): Նույնիսկ առանց ԱՄՆ-ի ծախսերը և գնողունակության տարբերությունը հաշվի առնելու՝ զգալի առավելությունը մնում է ՆԱՏՕ-ի օգտին, ասվում է հետազոտությունում։
Թարգմանությունը՝ Տաթև Ֆռանգյանի
