12.01.2026 | 10:45
Գուցե հրաժարվենք. չի կարող մանկապարտեզի նախագծման պրոցեսը տարիներ տևել. Ավինյան․ ՏԵՍԱՆՅՈՒԹ
COP29-ը այսօր Բաքվում մեկնարկում է․ ՀՀ ԱԳՆ-ն դեռ պատասխան չունի` ՀՀ-ն մասնակցելո՞ւ է, թե` ոչ
Քաղաքականություն
11.11.2024 | 12:12
ՀՀ ԱԳՆ-ն այս պահի դրությամբ դեռ չի պատասխանում՝ Հայաստանը մասնակցելո՞ւ է COP29-ին, թե՞`ոչ: ԱԳՆ խոսնակ Անի Բադալյանը Factor.am-ի հարցադրմանն ի պատասխան միայն ասել է, որ Հայաստանի մասնակցության կամ չմասնակցության վերաբերյալ հարցին կպատասխանեն: Թե երբ կլինի պատասխանը՝ խոսնակը չի մասնավորեցրել։
Նշենք, որ Ադրբեջանում այսօր մեկնարկում է Կլիմայի փոփոխության մասին ՄԱԿ-ի շրջանակային կոնվենցիայի 29-րդ համաժողովը՝ COP29-ը: Ավելի վաղ Բաքվից հայտարարել էին, որ Հայաստանի արտաքին գործերի նախարարի անունով հրավեր են ուղարկել ՀՀ-ին՝ մասնակցելու Բաքվում կայանալիք COP-29 համաժողովին։ Դրանից հետո ՀՀ ԱԳ նախարարի տեղակալ Պարույր Հովհաննիսյանը Factor.am-ի հետ զրույցում հայտարարել էր, որ Հայաստանը մոտ ապագայում կկայացնի որոշում, թե ինչ մակարդակով է ներկայացված լինելու Բաքվում կայանալիք COP-29-ին։
Ազգային ժողովի մշտական հանձնաժողովների համատեղ նիստում «Հայաստանի Հանրապետության 2025 թվականի պետական բյուջեի մասին» ՀՀ օրենքի նախագծի քննարկման ժամանակ ՀՀ արտաքին գործերի նախարար Արարատ Միրզոյանն ասել էր, որ Բաքու մեկնելու մասով դեռ որոշում չկա:
«Մեր մասնակցությունը COP-29-ին որևէ կերպ հաստատված չէ։ Մենք որևէ պաշտոնական արձագանք և վերաբերմունք այս հարցում չենք դրսևորել։ Իհարկե, նաև չենք էլ բացառում, բայց պետք է հասկանանք, թե ինչի մասին է խոսքը»,- նշել էր Միրզոյանը:
Հայտնի է, որ Հայաստանի արտգործնախարարն այսօրվանից երկօրյա այցով մեկնել է Շվեդիա:
Մանյա Պողոսյան
