09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Ալլահշուքյուր Փաշազադեն հայտարարել է, թե հայկական եկեղեցիները հայերին չեն պատկանում
Քաղաքականություն
08.11.2024 | 15:09
Բաքվում անցկացված աշխարհի կրոնական առաջնորդների գլոբալ գագաթնաժողովի մասնակիցները նախօրեին այցելել են հայաթափված Արցախ։ Ադրբեջանական լրատվամիջոցների հաղորդմամբ՝ Կովկասի մահմեդականների գրասենյակի ղեկավար շեյխ-ուլ-իսլամ Ալլահշուքյուր Փաշազադեի գլխավորած պատվիրակության անդամներն այցելել են Ակնա՝ տեղի մզկիթ։
Գագաթնաժողովի մասնակիցները այցելել են նաև էթնիկ զտման ենթարկված Ստեփանակերտ, ինչպես նաև Շուշի։
Կովկասի մահմեդականների գրասենյակի նախագահ Ալլահշուքյուր Փաշազադեն հայտարարել է, թե հայկական եկեղեցիները հայերին չեն պատկանում։ Նա հայտարարել է, թե «եկեղեցիները 1883 թվականին հայերին են փոխանցվել Ռուսական կայսրության կողմից, սակայն երբեք չեն պատկանել հայերին»։
«Ինչպես մեր հողերը, հայերը նաև եկեղեցիներն են յուրացրել։ Այդ հարցով մենք դիմել ենք Ռուս ուղղափառ եկեղեցուն և Հռոմի պապին։ Միջազգային համաժողովների ժամանակ մենք այդ տեղեկատվությունը հասցնում ենք համաշխարհային հանրության ուշադրությանը»,- ասել է Փաշազադեն։
Բաքուն շարունակում է Արցախում իրականացնել հայկական կրոնական ու մշակութային ժառանգության ոչնչացման պետական քաղաքականություն։ Փաստագրված են հայկական եկեղեցիների ավերման, կրոնական ու մշակութային կոթողների ոչնչացման բազմաթիվ դեպքեր։
Թարգմանությունը՝ Էմմա Չոբանյանի
