08.10.2026 | 12:30
Ուկրաինական ԱԹՍ-ները հարվածել են Ռյազանում «Յանդեքս»-ի տվյալների կենտրոնին և Բաշկորտոստանում նավթավերամշակման գործարանին
Կարծում եմ՝ կխոսենք․ Թրամփը հայտարարել է, որ պատրաստ է զրուցել Պուտինի հետ
Քաղաքականություն
08.11.2024 | 14:10
ԱՄՆ նախագահական ընտրություններում հաղթանակից հետո Դոնալդ Թրամփը դեռևս չի շփվել ՌԴ նախագահ Վլադիմիր Պուտինի հետ, սակայն չի բացառում, որ դա տեղի կունենա, գրում է DW-ի ռուսական ծառայությունը։
«Կարծում եմ՝ մենք կխոսենք»,- ասել է Թրամփը NBC հեռուստաալիքին տված հարցազրույցում։
Նա հավելել է, որ ընտրությունների նախնական արդյունքների ամփոփումից հետո խոսել է, «հավանաբար, աշխարհի 70 առաջնորդների հետ», այդ թվում՝ Ուկրաինայի նախագահ Վլադիմիր Զելենսկիի։ Թրամփը, սակայն, չի բացահայտել Զելենսկիի հետ զրույցի մանրամասները։
Նախօրեին ՌԴ նախագահ Վլադիմիր Պուտինը Վալդայի ֆորումում կայացած մամուլի ասուլիսում ասել էր, որ դեմ չի լինի զանգահարել ԱՄՆ ընտրված նախագահին։
«Ես պարզապես դա չեմ անում, քանի որ արևմտյան պետությունների ղեկավարները գրեթե ամեն շաբաթ ինչ-որ փուլում ինձ զանգահարում էին, իսկ հետո հանկարծակի դադարեցին դա անել»,- ասել է նա։
Նույն միջոցառմանը Պուտինը շնորհավորել է Թրամփին ընտրվելու կապակցությամբ և վստահեցրել, որ Կրեմլը պատրաստ է «աշխատել պետության ցանկացած ղեկավարի հետ, ում կվստահի ամերիկյան ժողովուրդը»։ Նրա պնդմամբ՝ Թրամփն իր նախագահության առաջին ժամկետում վախենում էր «հավելյալ քայլ անել, ավելորդ խոսք ասել», սակայն խիզախություն է դրսևորել անցյալ ամռանը մահափորձի ժամանակ։
Թարգմանությունը՝ Էմմա Չոբանյանի
