08.11.2024 | 15:43
Անընդունելի է, երբ օլիգարխիան սկսում է ազդել ընտրական գործընթացների վրա. Վլադիմիր Վարդանյան․ ՏԵՍԱՆՅՈՒԹ
Մակրոնն ու Էրդողանը տարածաշրջանային, ԵՄ-ին Թուրքիայի անդամության հարցեր են քննարկել
Քաղաքականություն
08.11.2024 | 13:36
Ֆրանսիայի նախագահ Էմանուել Մակրոնն ու Թուրքիայի նախագահ Ռեջեփ Թայիփ Էրդողանը hանդիպել են Բուդապեշտում Եվրոպական քաղաքական համայնքի գագաթնաժողովի շրջանակում։ Թուրքիայի նախագահի աշխատակազմի հաղորդակցության վարչության փոխանցմամբ՝ հանդիպմանն անդրադարձ է եղել Թուրքիա-Ֆրանսիա հարաբերություններին, ինչպես նաև տարածաշրջանային և գլոբալ խնդիրների։
Էրդողանը հայտարարել է, որ Թուրքիա-Ֆրանսիա հարաբերությունները խորը պատմություն ունեն, և երկու երկրները կշահեն առևտրատնտեսական հարաբերությունների խորացումից։
«Հայտելով, որ Թուրքիան ռազմավարական մոտեցում է ցուցաբերում Եվրամիությանը լիարժեք անդամակցության հարցում, նախագահ Էրդողանը նշել է, որ գործընթացը պետք է վերականգնվի, և որ Մաքսային միության թարմացման և վիզային ռեժիմի ազատականացման վերաբերյալ խոստումների իրականացում է ակնկալում»,- ասվում է հաղորդագրության մեջ։
Թուրքիայի նախագահը նաև նշել է, որ բոլոր երկրների շահերից է բխում Ուկրաինայի և Ռուսաստանի, Իսրայելի և Պաղեստինի, Իսրայելի և Լիբանանի միջև լարվածության կարգավորումը խաղաղ, դիվանագիտական ճանապարհով։
Թարգմանությունը՝ Էմմա Չոբանյանի
