23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
Ամստերդամում ֆուտբոլային խաղից հետո պաղեստինամետ անձինք հարձակվել են իսրայելցի երկրպագուների վրա
Քաղաքականություն
08.11.2024 | 14:18
Առնվազն տասը իսրայելցի երկրպագուներ հարձակման են ենթարկվել Ամստերդամում «Այաքս»-«Մաքքաբի» ֆուտբոլային խաղից հետո: Ըստ Իսրայելի ԱԳՆ-ի՝ տուժածների վիճակն անհայտ է։
«Մաքաբին» Եվրոպայի լիգայի խաղում 0։5 հաշվով պարտվել է «Այաքսին»։ Խաղի ավարտից հետո սոցիալական ցանցերում հայտնվել են Ամստերդամում անհայտ դիմակավորված անձանց կողմից իսրայելցի երկրպագուների վրա հարձակումների տեսանյութեր։ Ynet-ը հայտնել է, որ հարձակվողներից ոմանք կրել են պաղեստինյան դրոշներ և վանկարկել կարգախոսներ: Լրատվականը հայտնում է շուրջ 30 մարդու ձերբակալության մասին։
Իսրայելի Ազգային անվտանգության խորհուրդն Ամստերդամում գտնվող իր քաղաքացիներին խորհուրդ է տվել մնալ հյուրանոցներում։ Միաժամանակ, կոչ է արվել Իսրայելի այն քաղաքացիներին, որոնք այցելում են Նիդերլանդների հասարակական վայրեր, չցուցադրել իսրայելական կամ հրեական խորհրդանիշները։
Իսրայելի վարչապետ Բենիամին Նեթանյահուի գրասենյակը հայտնել է, որ տեղյակ է հարձակումների մասին: Նեթանյահուն նաև երկու ինքնաթիռ է ուղարկել Ամստերդամ՝ իսրայելցիներին տարհանելու համար։
Հայտարարության մեջ ասվում է, որ վարչապետը Նիդերլանդների իշխանություններից պահանջել է «արագ և վճռական գործողություններ ձեռնարկել անկարգությունների դեմ»՝ Իսրայելի քաղաքացիների անվտանգությունն ապահովելու համար։
Թարգմանությունը՝ Տաթև Ֆռանգյանի
