11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Բաքվում կայանալիք COP29-ին ՌԴ-ն կներկայացնի վարչապետ Միխայիլ Միշուստինը
Քաղաքականություն
08.11.2024 | 11:43
ՌԴ նախագահ Վլադիմիր Պուտինը հայտարարել է, որ Բաքվում կայանալիք ՄԱԿ-ի կլիմայական համաժողովին Ռուսաստանը կներկայացնի վարչապետ Միխայիլ Միշուստինը, գրում է ՏԱՍՍ-ը։
Պուտինը նշել է, որ Ադրբեջանի նախագահ Իլհամ Ալիևն իրեն հրավիրել է միջոցառմանը։
«Հրավիրել է։ Սակայն ես այնտեղ էի ոչ այնքան վաղուց։ Նախագահ Ալիևի հետ պայմանավորվել ենք, որ Ռուսաստանը ներկայացված կլինի բարձր մակարդակով։ Այդ միջոցառմանը կմասնակցի ՌԴ կառավարության ղեկավար Միխայիլ Միշուստինը»,- ասել է ՌԴ նախագահը՝ «Վալդայ»-ի նիստի ժամանակ պատասխանելով COP29-ին մասնակցության մասին հարցին։
Պուտինն օգոստոսի 18-19-ը պետական այցով Ադրբեջանում էր։
Հավելենք, որ ավելի վաղ Կրեմլի մամուլի խոսնակի Դմիտրի Պեսկովը հայտարարել էր, որ Պուտինի՝ Բաքվում կայանալիք ՄԱԿ-ի կլիմայական համաժողովին մասնակցության հարցը բաց է մնում։
COP29-ը Բաքվում տեղի կունենա նոյեմբերի 11-22-ը։
Թարգմանությունը՝ Էմմա Չոբանյանի
