15.07.2026 | 10:40
«88» առևտրային օբյեկտում մեկ օրում արձանագրվել է 33 իրավախախտում
Ուսուցիչը վճարում է 20% եկամտահարկ, ԱՁ սեփականատերը՝ 5% շրջհարկ. անհավասարությունը պետք է վերացնել․ ՏԵՍԱՆՅՈՒԹ
Հասարակություն
07.11.2024 | 13:16
Ֆինանսների նախարար Վահե Հովհաննիսյանը Կառավարության այսօրվա նիստում հարկային բեռի հավասարության մասով նախագիծը քննարկման ներկայացրեց։ Մասնավորապես, ըստ նրա՝ հարկման հավասարության սկզբունքի ապահովումը ենթադրում է, որ մասնագիտական բնույթ ունեցող աշխատանքների և ծառայությունների հարկումը նույնպես պետք է տեղափոխել հարկման ընդհանուր համակարգ.
«Կառավարության կողմից իրականացվող քաղաքականությունն ուղղված է հարկման հատուկ համակարգերի կիրառության շրջանակի կրճատմանը: Այս քաղաքականության իրականացման ուղղություններից է մասնագիտական բնույթ ունեցող աշխատանքների կատարումը և ծառայությունների մատուցումը հարկման հատուկ համակարգերից դուրս բերելը: Այս առումով, առաջին փուլի օրենսդրական փոփոխություններն արդեն իսկ կատարել ենք, որոնք ուժի մեջ են մտնելու 2025 թվականի հունվարի 1-ից: Խոսքը փաստաբանական և նոտարական գործունեությունը հարկման ընդհանուր համակարգ տեղափոխելու մասին է»,- նշեց նախարարը։
Հովհաննիսյանն ուշադրություն հրավիրեց այն հանգամանքին, որ նախագծով ներկայացված մասնագիտական բնույթ ունեցող ծառայությունների գծով հարկման ընդհանուր համակարգի և շրջանառության հարկի համակարգում հարկային բեռի ուսումնասիրությունները ցույց են տվել, որ հարկային բեռը շրջանառության հարկի համակարգում գործող տնտեսավարող սուբյեկտների մոտ գործունեության գրեթե բոլոր տեսակների մասով էականորեն ցածր է հարկման ընդհանուր համակարգում առկա հարկային բեռից։
Մանրամասները՝ տեսանյութում։
