13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Էրդողանը հեռախոսազրույց է ունեցել Թրամփի հետ
Քաղաքականություն
07.11.2024 | 12:52
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ նախագահական ընտրություններում հաղթած Դոնալդ Թրամփի հետ։ Թուրքիայի նախագահականի հաղորդմամբ՝ Էրդողանը շնորհավորել է Թրամփին ընտրություններում հաղթանակի կապակցությամբ։
«Նախագահ Էրդողանն արտահայտել է իր ցանկությունը՝ զարգացնելու հարաբերությունները Թուրքիայի ու ԱՄՆ-ի միջև»,- ասվում է հաղորդագրության մեջ։
Ավելի վաղ Էրդողանը Թրամփին շնորհավորել էր X-ում գրառմամբ։
«Շնորհավորում եմ իմ ընկեր Դոնալդ Թրամփին, որը մեծ պայքարից հետո հաղթեց ԱՄՆ նախագահական ընտրություններում և վերընտրվեց ԱՄՆ նախագահի պաշտոնում։ Այս նոր դարաշրջանում, որը կսկսվի Ամերիկայի ժողովրդի ընտրությամբ, մենք հուսով ենք, որ Թուրքիա-ԱՄՆ հարաբերությունները կամրապնդվեն, և տարածաշրջանային ու գլոբալ ճգնաժամերն ու պատերազմները, հատկապես՝ Պաղեստինի հարցը և Ռուսաստան-Ուկրաինա պատերազմը, կավարտվեն։ Ես հավատում եմ, որ ավելի շատ ջանքեր կգործադրվեն ավելի արդար աշխարհի համար»,- նշել էր Թուրքիայի նախագահը։
Թարգմանությունը՝ Էմմա Չոբանյանի
