06.04.2026 | 12:30
«Սանդերլենդի» մարզիչ. Ֆինն Գերագուսյանը բազմակողմանի խաղացող է
ԵՄ-ն կշարունակի աջակցել Ուկրաինային՝ ԱՄՆ ընտրություններում Թրամփի հաղթանակից հետո
Քաղաքականություն
06.11.2024 | 18:09
ԵՄ արտաքին քաղաքականության ծառայության պաշտոնական ներկայացուցիչ Պետեր Ստանոն հայտարարել է կառույցի մտադրության մասին՝ շարունակել աջակցել Ուկրաինային ԱՄՆ նախագահական ընտրություններում Դոնալդ Թրամփի հաղթանակից հետո։ Պատասխանելով Բրյուսելի պլանների մասին հարցին այն պարագայում, եթե Թրամփը սկսի կրճատել Կիևին աջակցությունը, Պետեր Ստանոն հիշեցրել է, որ վարչակազմի փոփոխություն ԱՄՆ-ում տեղի կունենա միայն 2025 թվականին։
«Առաջինը՝ պետք չէ ժամանակից առաջ անցնել, ԱՄՆ-ում վարչակազմի փոփոխությունը տեղի կունենա միայն հաջորդ տարի։ Երկրորդ՝ մենք բազմիցս ասել ենք, որ պարտավորություններ ունենք և միասնական ենք մեր մտադրության մեջ՝ շարունակելու աջակցել Ուկրաինային»,- ճեպազրույցի ժամանակ ասել է Ստանոն։
ԱՄՆ նախագահական ընտրությունների արդյունքներով, ամերիկյան լրատվամիջոցների հաշվարկների համաձայն, հանրապետական թեկնածու Դոնալդ Թրամփը հավաքում է ընտրիչների 277 ձայն (հաղթելու համար անհրաժեշտ է 270), նրա դեմոկրատ մրցակից Քամալա Հարիսը՝ 224։
Թարգմանությունը՝ Տաթև Ֆռանգյանի
