30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Թուրքիայի ընդդիմության առաջնորդը շնորհավորել է Թրամփին
Քաղաքականություն
06.11.2024 | 17:50
Թուրքիայի գլխավոր ընդդիմադիր Ժողովրդահանրապետական կուսակցության նախագահ Օզգյուր Օզելը շնորհավորել է Դոնալդ Թրամփին ԱՄՆ նախագահական ընտրություններում հաղթանակի կապակցությամբ։
«Շնորհավորում եմ Ամերիկայի Միացյալ Նահանգների ժողովրդավարական ճանապարհով ընտրված 47-րդ նախագահ Դոնալդ Թրամփին և նրա փոխնախագահ Դեյվիդ Վենսին։ Հուսով եմ, որ ընտրությունների արդյունքները դրական ներդրում կունենան Թուրքիա-ԱՄՆ հարաբերությունների ընթացքի վրա և ճանապարհ կհարթեն մեր տարածաշրջանում շարունակվող անկարգությունների դադարեցման համար, մասնավորապես, Պաղեստինի և Ուկրաինայի պատերազմները»,- X-ում գրել է Օզելը։
Ավելի վաղ Թրամփին շնորհավորել էր նաև Թուրքիայի նախագահ Ռեջեփ Թայիփ Էրդողանը։
«Շնորհավորում եմ իմ ընկեր Դոնալդ Թրամփին, որը մեծ պայքարից հետո հաղթեց ԱՄՆ նախագահական ընտրություններում և վերընտրվեց ԱՄՆ նախագահի պաշտոնում։ Այս նոր դարաշրջանում, որը կսկսվի Ամերիկայի ժողովրդի ընտրությամբ, մենք հուսով ենք, որ Թուրքիա-ԱՄՆ հարաբերությունները կամրապնդվեն, և տարածաշրջանային և գլոբալ ճգնաժամերն ու պատերազմները, հատկապես Պաղեստինի հարցը և Ռուսաստան-Ուկրաինա պատերազմը, կավարտվեն։ Ես հավատում եմ, որ ավելի շատ ջանքեր կգործադրվեն ավելի արդար աշխարհի համար»,- հայտարարել էր Էրդողանը։
Թարգմանությունը՝ Էմմա Չոբանյանի
