13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Իլոն Մասկը հայտարարել է ԱՄՆ կառավարման համակարգը փոխելու պատրաստակամության մասին
Քաղաքականություն
06.11.2024 | 17:27
Ամերիկացի միլիարդատեր, ԱՄՆ նախագահի հանրապետական թեկնածու Դոնալդ Թրամփի աջակից Իլոն Մասկն ասել է, որ ուրախ կլինի բարելավել երկրի կառավարման արդյունավետությունը, եթե պաշտոն ստանա վարչակազմում։ Նրա խոսքով՝ ԱՄՆ-ում մշտապես հայտնվում են նոր պետական կառույցներ, և դրա բեռն ընկնում է քաղաքացիների ուսերին։
«Ես երջանիկ կլինեի բարձրացնել կառավարման արդյունավետությունը, ինչն ակնհայտորեն ծայրահեղ անհրաժեշտ է։ Մենք հսկայական կառավարական բյուրոկրատիա ունենք ու գերկարգավորում»,- ասել է Իլոն Մասկը Թաքեր Կառլսոնին տված հարցազրույցում։
Նոյեմբերի սկզբին Իլոն Մասկը հայտարարել էր, որ նախագահական ընտրություններում հաղթելու դեպքում Դոնալդ Թրամփը կարող է իրեն ազդեցիկ պաշտոն տալ վարչակազմում։ Reuters-ը գրել էր, որ Թրամփը կարող է միլիարդատիրոջը նշանակել խորհրդականի պաշտոնում։
Թարգմանությունը՝ Տաթև Ֆռանգյանի
