09.09.2026 | 09:59
Պաշտպանության նախարարի չսպասված այցը Արարատյան հովտի զորամասերից մեկը
Հայտնի է, ինչ հարցեր են քննարկել Էրդողանն ու Ալիևը Բիշքեկում տեղի ունեցած հանդիպմանը
Քաղաքականություն
06.11.2024 | 16:56
Թուրքիայի նախագահ Ռեջեփ Թայիփ Էրդողանն ու Ադրբեջանի նախագահ Իլհամ Բիշքեկում Թյուրքական պետությունների կազմակերպության պետությունների ղեկավարների խորհրդի 11-րդ գագաթնաժողովի շրջանակում հանդիպմանը քննարկել են երկու երկրների միջև հարաբերությունները, ինչպես նաև տարածաշրջանային և գլոբալ խնդիրները, հայտնում է Թուրքիայի նախագահականի հաղորդակցության հարցերի տնօրինությունը։
«Նշելով, որ Թուրքիայի և Ադրբեջանի միջև հարաբերությունները շարունակում են զարգանալ բոլոր ոլորտներում՝ նախագահ Էրդողանը վստահություն է հայտնել, որ երկկողմ հարաբերությունները կատարյալ մակարդակի կբարձրացվեն տնտեսական և ռազմավարական քայլերով, որոնք պետք է ձեռնարկվեն, և այս առումով ընդգծել Տրանսկասպյան Արևելք-Արևմուտք Միջին Միջանցքի նախաձեռնության կարևորությունը»,- ասվում է հաղորդագրության մեջ։
Էրդողանը նաև իր ակնկալիքներն է արտահայտել, որ Ադրբեջանում կայանալիք ՄԱԿ-ի Կլիմայի փոփոխության հարցերով 29-րդ համաժողովը կարևոր որոշումներ կընդունի։
Թարգմանությունը՝ Էմմա Չոբանյանի
