30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
Անհամբեր սպասում եմ կրկին միասին աշխատելուն․ ՆԱՏՕ-ի գլխավոր քարտուղարը շնորհավորել է Թրամփին
Քաղաքականություն
06.11.2024 | 12:58
ՆԱՏՕ-ի գլխավոր քարտուղար Մարկ Ռյուտեն շնորհավորել է Դոնալդ Թրամփին ԱՄՆ նախագահական ընտրություններում հաղթանակի կապակցությամբ։
«Շնորհավորել եմ Դոնալդ Թրամփին Միացյալ Նահանգների նախագահ ընտրվելու կապակցությամբ։ Նրա ղեկավարությունը կրկին առանցքային կլինի մեր դաշինքն ամուր պահելու համար: Ես անհամբեր սպասում եմ կրկին նրա հետ աշխատելուն ՝ ՆԱՏՕ-ի միջոցով խաղաղություն հաստատելու համար»,-X-ում գրել է Ռյուտեն։
Չնայած դեռևս պաշտոնապես չի հայտարարվել է ԱՄՆ նախագահական ընտրություններում Դոնալդ Թրամփի հաղթանակի մասին՝ նրան արդեն շնորհավորել են Հունգարիայի վարչապետ Վիկտոր Օրբանը, Ֆրանսիայի նախագահ Էմանուել Մակրոնը, Լիտվայի նախագահ Գիտանաս Նաուսեդան, Լատվիայի նախագահ Էդգարս Ռինկևիչը, Ուկրաինայի նախագահ Վլադիմիր Զելենսկին, Իսրայելի վարչապետ Բենիամին Նեթանյահուն, Սերբիայի նախագահ Ալեքսանդր Վուչիչը, Ավստրիայի կանցլեր Կարլ Նեհամերը, Սալվադորի նախագահ Նայիբ Բուկելեն, Իտալիայի փոխվարչապետ Մատեո Սալվինին, Վրաստանի վարչապետ Իրակլի Կոբախիձեն և այլք։
Թարգմանությունը՝ Տաթև Ֆռանգյանի
I just congratulated @realDonaldTrump on his election as President of the United States. His leadership will again be key to keeping our Alliance strong. I look forward to working with him again to advance peace through strength through #NATO.
— Mark Rutte (@SecGenNATO) November 6, 2024
