08.10.2026 | 16:52
Հայտնի է Արման Ծառուկյանի հաջորդ մրցակիցը RAF-ում. ԼՈՒՍԱՆԿԱՐ
ԱԹՍ-ներն առաջին անգամ գրոհել են Դաղստանը
Քաղաքականություն
06.11.2024 | 12:42
Պատերազմի սկզբից ի վեր առաջին անգամ անօդաչու սարքերը գրոհել են Դաղստանը։ Ռուսական Telegram ալիքները, վկայակոչելով տեղի բնակիչներին, հայտնել են նոյեմբերի 6-ի վաղ առավոտյան պայթյունների և կրակոցների նմանվող ձայների մասին: Ավելի ուշ Դաղստանի ղեկավար Սերգեյ Մելիկովը հայտարարել է քաղաքի երկնքում անօդաչու թռչող սարքի ոչնչացման մասին։
Պաշտոնյան խնդրել է բնակիչներին «հանգստանալ, հավատալ միայն վստահելի աղբյուրներին» և համացանցում չհրապարակել անօդաչու սարքերի հարձակման տեսանյութ։
Վիրավորների մասին տեղեկություններ չկան։
Baza տելեգրամյան ալիքի հաղորդմամբ՝ երեք թռիչք է հետաձգվել Մախաչկալայի օդանավակայանում ԱԹՍ-ի հարձակման պատճառով։
Ավելի ուշ ականատեսները հայտնել են Դաղստանում անօդաչու թռչող սարքի կրկնակի հարձակման մասին։ Նախնական տվյալներով՝ այն ընկել է Կասպիյսկում։ Պաշտոնական տեղեկատվություն դեռևս չկա։
Ռուսաստանի և Ուկրաինայի ռազմական գերատեսչությունները դեռևս չեն մեկնաբանել այս հարձակումները։
Նշենք, որ Կասպիյսկից մինչև Ուկրաինայի մոտակա քաղաքներ՝ ավելի քան հազար կիլոմետր է:
Թարգմանությունը՝ Տաթև Ֆռանգյանի
