08.10.2026 | 16:52
Հայտնի է Արման Ծառուկյանի հաջորդ մրցակիցը RAF-ում. ԼՈՒՍԱՆԿԱՐ
Վիենի քաղաքապետի գլխավորած պատվիրակությունն այցելել է Սյունիք
Քաղաքականություն
05.11.2024 | 16:41
Օվերն-Ռոն-Ալպի վեց քաղաքից բաղկացած պատվիրակությունը՝ շրջանի փոխնախագահ և Վիենի քաղաքապետ Թիերի Կովաքսի գլխավորությամբ այցելեցին Սյունիք՝ ՀՀ ռազմավարական մարզ․ այդ մասին X-ի իր միկրոբլոգում արված գրառմամբ տեղեկացրել է Հայաստանում Ֆրանսիայի դեսպան Օլիվիե Դըկոտինյին:
«Նախագահ Լորան Վոքիեի նախաձեռնությամբ երկու շրջանների միջև 2023 թվականի մարտին հաստատված համագործակցությունը զարգանում և խորանում է»,- գրել է դեսպանը։
Դըկոտինյին ապա հավելել է, որ Բրոնի, Վիենի, Մորնանի, Սեն-Շամոնի, Մոնտելիմարի և Պյուի-ան-Վըլեի ներկայացուցիչները Սյունիքի քաղաքապետարաններում հանդիպել են իրենց գործընկեր քաղաքների քաղաքապետներին:
«Շուտով Սյունիքի մարզի բոլոր քաղաքները Օվերն-Ռոն-Ալպ շրջանի քաղաքների հետ քույր-քաղաքների համաձայնագրեր կկնքեն»,- իր գրառումն ավարտել է դեսպանը։
