30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԱՄՆ-ում անկարգությունների դեպքում պատրաստվում են Ազգային գվարդիա ուղարկել Վաշինգտոն
Քաղաքականություն
05.11.2024 | 18:46
ԱՄՆ ավելի քան երկու տասնյակ նահանգներ պատրաստակամություն են հայտնել Ազգային գվարդիայի զորքեր ուղարկել Վաշինգտոն, եթե անհրաժեշտ լինի, և եթե պաշտոնական հարցում ստացվի նախագահական ընտրություններից հետո և երդմնակալությունից առաջ առաջիկա շաբաթների ընթացքում: Այս մասին հայտնում է AP-ն՝ վկայակոչելով Ազգային գվարդիայի ներկայացուցիչներին։
Կոլումբիայի շրջանը դեռևս որևէ պաշտոնական դիմում չի ներկայացրել Ազգային գվարդիայի ներգրավման համար, սակայն կառավարությունը հանդիպումներ է անցկացնում և պատրաստվում է իրադարձությունների զարգացման հնարավոր սցենարին, որ Կապիտոլիումի շենքը կրկին կարող է դառնալ բռնության էպիկենտրոն, երբ Կոնգրեսը հաստատի նախագահական ընտրությունների արդյունքները:
Ազգային գվարդիայի բյուրոյի գործողությունների պլանավորման բաժնի ղեկավար Ժան-Պոլ Լորենցոն նոյեմբերի 4-ին լրագրողներին ասել է՝ դեռևս հստակ հայտնի չէ, թե Ազգային գվարդիային որքան զորք կպահանջվի։ Նրա խոսքով՝ դա կախված կլինի Կոլումբիայի շրջանի կարիքներից, սակայն շեշտել է, որ Ազգային գվարդիայի բյուրոն և նահանգներն արդեն պատրաստվում են աջակցության հնարավոր խնդրանքին:
Թարգմանությունը՝ Տաթև Ֆռանգյանի
