18.07.2026 | 14:18
2026-ին Հայաստանի բուհեր ընդունվել է 9620 դիմորդ․ ԳԹԿ
Պեսկովը հայտարարել է, թե Կրեմլը Մայա Սանդուին չի ճանաչում Մոլդովայի նախագահ
Քաղաքականություն
05.11.2024 | 14:33
ՌԴ նախագահի մամուլի քարտուղար Դմիտրի Պեսկովը, մեկնաբանելով Մոլդովայի նախագահական ընտրությունները, հայտարարել է, որ Մայա Սանդուին չի կարելի անվանել այդ երկրի նախագահ, քանի որ շատ քաղաքացիներ նրա օգտին չեն քվեարկել, գրում է Gazeta-ն։
Նրա խոսքով՝ Ռուսաստանը կարող է օբյեկտիվորեն դատել Մոլդովայում կայացած ընտրությունների մասին՝ խոսելով Ռուսաստանի տարածքում բնակվող Մոլդովայի «մի քանի հարյուր քաղաքացիների» մասին։ Կրեմլի խոսնակը պնդում է, որ այդ մարդկանց, ի տարբերություն ԵՄ-ում բնակվող մոլդովացիների, հնարավորություն չի տրվել մասնակցելու ընտրություններին։
Պեսկովը հայտարարել է, թե Մոլդովայում ընտրությունները «ո՛չ ժողովրդավարական են եղել, ո՛չ արդար, դրանք լի են եղել ընտրական մանիպուլյացիաներով»։
«Ինչ վերաբերում է Սանդուին, նա չի հանդիսանում իր երկրի նախագահը, քանի որ հենց երկրում շատերը չեն քվեարկել նրա օգտին։ Ինչ վերաբերում է մոլդովական ներկայիս ղեկավարութանը, մինչ օրս նրանք որևէ հետաքրքրություն չեն ցուցաբերել մեր երկրի հետ լավ հարաբերություններ զարգացնելու հարցում»,- հայտարարել է ՌԴ նախագահի մամուլի խոսնակը։
Թարգմանությունը՝ Էմմա Չոբանյանի
