05.11.2024 | 17:59
Մեկնարկել են Ամանորի նախապատրաստությունները` առանց պայմանագրի հրապարակման. ո՞ր ընկերությունն է իրականացնում այդ աշխատանքները
Ընտրություններին միջամտելը մնում է ՌԴ-ի նպատակը. ԱՄՆ հատուկ ծառայություններ
Քաղաքականություն
05.11.2024 | 15:28
ԱՄՆ նախագահական ընտրությունների նախաշեմին հատուկ ծառայությունները նախազգուշացրել են ընտրությունների օրը և հաջորդ շաբաթների ընթացքում Ռուսաստանի կողմից միջամտության սպառնալիքի մասին, գրում է DW-ի ռուսական ծառայությունը։
«Ռուսաստանը հանդիսանում է ամենակտիվ սպառնալիքը։ ՌԴ-ի հետ կապված ազդեցության գործակալները տեսանյութեր ու կեղծ հոդվածներ են արտադրում՝ ընտրությունների օրինականությունը խաթարելու, ընտրողներին վախեցնելու և տպավորություն ստեղծելու համար, որ ամերիկացիները պատրաստ են բռնության դիմել իրենց քաղաքական նախասիրությունների պատճառով»,- ասվում է ԱՄՆ հատուկ ծառայությունների համատեղ հայտարարության մեջ։
ԱՄՆ-ում մտավախություն ունեն, որ այդ գործողությունները միայն կուժեղանան ընտրությունների օրը և մոտակա շաբաթներին, և որ այդ նարատիվը հատկապես ուժեղ կլինի «տատանվող նահանգներում»։ Հետախուզական ծառայությունների տվյալներով՝ ԱՄՆ ընտրություններին միջամտելու սպառնալիքը գալիս է նաև Իրանից։
Շատ ամերիկացիներ վախենում են, որ նախագահական ընտրությունները կուղեկցվեն անկարգություններով և բռնության այլ ակտերով: Հանրային պառակտումը սնվում է միայն կեղծ լուրերով, արմատական մեկնաբանություններով և սոցիալական ցանցերում ատելություն պարունակող տեսանյութերով:
Երկար տարիներ ՌԴ նախագահ Վլադիմիր Պուտինն ու նրա հետ կապված ռուսական խմբերը մեղադրվում էին ԱՄՆ ընտրությունների վրա ազդելու մանիպուլյատիվ մարտավարության մեջ։ Ռուսաստանի համար նոյեմբերի 5-ին կայանալիք ԱՄՆ նախագահական ընտրությունները շատ կարևոր են. եթե հանրապետական Դոնալդ Թրամփը հաղթի, Ուկրաինան կարող է կորցնել իր կարևոր դաշնակից Վաշինգտոնի ռազմական օգնությունը։
Թարգմանությունը՝ Էմմա Չոբանյանի
