05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Բաքվում ընթացող աշխարհի կրոնական առաջնորդների գագաթնաժողովի մասնակիցները նաև Արցախ կայցելեն
Քաղաքականություն
05.11.2024 | 14:13
Ադրբեջանի նախագահ Իլհամ Ալիևի նախաձեռնությամբ այսօր Բաքվում մեկնարկել է աշխարհի կրոնական առաջնորդների գլոբալ գագաթնաժողովը՝ «Համաշխարհային կրոնները կանաչ մոլորակի համար» խորագրով։ Այն կազմակերպվել է COP29-ի շրջանակում՝ Ադրբեջանի բնապահպանության և բնական պաշարների նախարարության, Կրոնական սուբյեկտների հետ աշխատանքի պետական կոմիտեի Կովկասի մահմեդականների գրասենյակի և ՄԱԿ-ի շրջակա միջավայրի ծրագրի կողմից, փոխանցում են տեղական լրատվամիջոցները։
Ալիևն ուղերձ է հղել գագաթնաժողովի մասնակիցներին, որն ընթերցել է Ադրբեջանի վարչապետ Ալի Ասադովը։ Տեսաուղերձով է հանդես եկել նաև ՄԱԿ-ի գլխավոր քարտուղար Անտոնիո Գուտերեշը։
Գագաթնաժողովին մասնակցում են ավելի քան 220 հյուրեր 55 երկրներից և 30 միջազգային կազմակերպություններից։ Նրանց թվում են տարբեր դավանանքի հայտնի կրոնական ու հասարակական գործիչներ։
Գագաթնաժողովը տևելու է երկու օր, մասնակիցներն այցելելու են նաև էթնիկ զտման ենթարկված Արցախ։
Թարգմանությունը՝ Էմմա Չոբանյանի
