06.09.2026 | 13:21
Հրդեհ է բռնկվել Երևանի Արարատյան փողոցի բնակարաններից մեկում․ փրկարարները տարհանել են բնակիչներին
Տնտեսական կցորդների համալրման համար ռեսուրսներ են անհրաժեշտ, աշխատում ենք. ԱԳ փոխնախարար․ ՏԵՍԱՆՅՈՒԹ
Քաղաքականություն
05.11.2024 | 11:21
ԱԺ հանձնաժողովների համատեղ նիստում 2025 թվականի պետբյուջեի նախագծի նախնական քննարկումների ժամանակ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանն ԱԳ փոխնախարար Պարույր Հովհաննիսյանից հետաքրքրվեց՝ արդյո՞ք Հայաստանը պետք է ընդլայնի ԵՄ անդամ երկրներում իր տնտեսական կցորդների գործունեությունը՝ հիմնվելով Վրաստանի փորձի վրա, որտեղ ոլորտային կցորդները նպաստում են կոնկրետ արտադրատեսակների հանրահռչակմանը։
Ի պատասխան՝ Պարույր Հովհաննիսյանը նշեց, որ դիվերսիֆիկացիայի քաղաքականության շրջանակում Հայաստանի համար առաջնային նշանակություն ունի Բրյուսելում տնտեսական կցորդների ինստիտուտի առկայությունը։
«Ավելի շատ այստեղ համալրելու խնդիրն է։ Մենք ունենք համապատասխան ինստիտուտների բացման մասին որոշումներ։ Խնդիրն այստեղ համալրելուն է վերաբերվում, որը պահանջում է մարդկային ռեսուրս, և այդ ուղղությամբ աշխատանքներ տարվում են։ Ծրագրվում է ընդլայնել նաև ներկայությունը եվրոպական այլ երկրներում, այդ թվում՝ Ֆրանսիայում, Գերմանիայում և Բենիլյուքսի երկրներում»,- հայտարարեց նա։
Մանրամասները՝ տեսանյութում։
