09.09.2026 | 13:46
Իրանը հայտնել է, որ Հորմուզի նեղուցում ամերիկյան ստորջրյա անօդաչու սարք կալանել․ՏԵՍԱՆՅՈՒԹ
Մոլդովան արժևորում է Հայաստանի հետ բարեկամությունը․ Սանդուն շնորհակալություն է հայտնել Փաշինյանին
Քաղաքականություն
04.11.2024 | 18:25
Մոլդովան արժևորում է Հայաստանի հետ իր բարեկամությունը և ժողովրդավարությանը հավատարմությունը։ Այս մասին հայտարարել է երկրի նորընտիր նախագահ Մայա Սանդուն՝ ի պատասխան Նիկոլ Փաշինյանի՝ նախագահի պաշտոնում վերընտրվելու կապակցությամբ շնորհավորանքի։
«Շնորհակալությո՛ւն, Նիկոլ Փաշինյան, Ձեր ջերմ շնորհավորանքների համար։ Մոլդովան արժևորում է Հայաստանի հետ իր բարեկամությունը և ժողովրդավարությանը մեր համատեղ հավատարմությունը»,- գրել է Սանդուն X-ի իր միկրոբլոգում:
Այսօր ավելի վաղ ՀՀ վարչապետ Նիկոլ Փաշինյանը շնորհավորել էր Մայա Սանդուին Մոլդովայի նախագահական ընտրություններում հաղթանակի կապակցությամբ։
«Անկեղծորեն շնորհավորում եմ Մայա Սանդուին Մոլդովայի նախագահական ընտրություններում հաղթանակի կապակցությամբ։ Ակնկալում ենք միասին աշխատել՝ ամրապնդելու մեր երկկողմ հարաբերությունները՝ հիմնված մեր պատմական կապերի և ժողովրդավարության ընդհանուր հիմնարար արժեքների վրա»,- գրել է Փաշինյանը X-ի իր միկրոբլոգում։
Թարգմանությունը՝ Տաթև Ֆռանգյանի
