23.06.2026 | 11:45
Ծեծկռտուք ավագանու նիստում․ ՏԵՍԱՆՅՈՒԹ
Գերմանիայի ԱԳ նախարարը Կիևում է
Քաղաքականություն
04.11.2024 | 14:50
Գերմանիայի ԱԳ նախարար Աննալենա Բերբոքը ժամանել է Կիև, գրում է BBC-ի ռուսական ծառայությունը։
«Գրեթե հազար օր Պուտինի պատերազմը ցնցում է ուկրաինացիների առօրյան, բայց ո՛չ նրանց քաջությունն ու ապահով կյանքի հույսը ազատ Ուկրաինայում։ Մենք հակազդում ենք այս դաժանությանը մեր մարդկայնությամբ և աջակցությամբ, որպեսզի ուկրաինացիները ոչ միայն կարողանան անցկացնել ձմեռը, այլ որպեսզի երկիրը կարողանա գոյատևել: Որովհետև նրանք նաև պաշտպանում են մեր բոլորի ազատությունը Եվրոպայում», – ասել է Աննալենա Բերբոքը Ուկրաինայի մայրաքաղաք ժամանելուն պես։
Սա Բերբոքի ութերորդ այցն է Ուկրաինա․ վերջին անգամ նա երկիր էր այցելել մայիսին: Գերմանացի պաշտոնյան հանդիպումներ կունենա Ուկրաինայի նախագահ Վլադիմիր Զելենսկիի և արտգործնախարար Անդրեյ Սիբիհայի հետ։
Բեբոքը նաև հիշեցրել է, որ Գերմանիան վերջերս ավելացրել է Ուկրաինային տրամադրվող հրատապ էներգետիկ օգնությունը լրացուցիչ 170 միլիոն եվրոյով՝ ի պատասխան էներգետիկ օբյեկտների վրա ռուսական հարձակումների։
Թարգմանությունը՝ Էմմա Չոբանյանի
