08.10.2026 | 13:41
ՌԴ ԱԽ-ն հայտարարել է, թե ՀՀ-ում Firebird AI-ի տվյալների կենտրոնը «կարող է օգտագործվել Ռուսաստանի դեմ»
Նյու Յորքի իշխանությունները բնակիչներին կոչ են արել խնայել ջուրը երաշտի պատճառով
Քաղաքականություն
04.11.2024 | 21:01
Նյու Յորքի իշխանությունները հայտարարել են ամբողջ քաղաքում երաշտի վտանգի մասին։ Քաղաքապետարանի կայքում հրապարակված հաղորդագրության համաձայն՝ անցած հոկտեմբերին Նյու Յորքը 1869 թվականից ի վեր երկրորդ ամենաերկար առանց տեղումների շրջանն է ապրել։
Քաղաքապետ Էրիկ Ադամսը կոչ է արել բնակիչներին հնարավորինս խնայել ջուրը: Իշխանությունները նաև կարգադրել են քաղաքային ծառայություններին անցնել խնայողությունների ռեժիմի:
«Սկսելով հիմա ջրի խնայողությունը՝ մենք անում ենք ամեն ինչ, որպեսզի համոզվենք, որ ամռանը կարող ենք ջրել զբոսայգիները և լցնել լողավազանները, ինչպես նաև կանխել երաշտի հետ կապված ավելի ծանր իրավիճակը»,- ասել է Ադամսը:
Ջրի խնայողության վերաբերյալ խորհուրդներ են հրապարակվել քաղաքապետարանի կայքում։ Առաջարկությունները ներառում են սովորականից ավելի արագ ցնցուղ ընդունելը, սպասք լվանալիս ջուրն անջատելը, անսարք ծորակները վերանորոգելը և հրդեհային հիդրանտների արտահոսքի մասին համապատասխան մարմիններին տեղեկացնելը:
Թարգմանությունը՝ Տաթև Ֆռանգյանի
