26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Մոլդովայի ընտրողների գրանցման համակարգը ենթարկվել է կիբերհարձակման
Քաղաքականություն
03.11.2024 | 21:17
Այսօր անցկացված Մոլդովայի նախագահական ընտրություններին ընտրողների գրանցման համակարգը ենթարկվել է կիբերհարձակման։ Այս մասին հայտնել է Մոլդովայի Կենտրոնական ընտրական հանձնաժողովի ղեկավար Անժելա Կարամանը․ փոխանցում է ՌԻԱ Նովոստին։
«Տեղեկատվական տեխնոլոգիաների և կիբերանվտանգության ծառայությունը տեղեկացրել է ԿԸՀ-ին մի քանի DDoS կիբերանվտանգության միջադեպերի մասին, որոնք ժամանակավորապես ազդել են տեղեկատվական ռեսուրսների առկայության և ընտրողների գրանցման վրա»,- հայտարարել է Կարամանը՝ նշելով, որ համակարգի գործունեությունն արդեն վերականգնվել է։
«Վերջին մի քանի ժամվա ընթացքում համակարգված կիբերհարձակումներ են գրանցվել ընտրողների գրանցման համակարգի տվյալների փոխանակման ենթակառուցվածքի վրա: Սա հանգեցնում է ժամանակավոր դժվարությունների՝ ինչպես երկրի ներսում, այնպես էլ արտերկրում ընտրատեղամասերից տեղեկատվություն ստանալու գործընթացում»,- ավելի տեղեկացրին Մոլդովայի Տեղեկատվական տեխնոլոգիաների և կիբերանվտանգության ծառայությունից։
