Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ

«Այսօր մենք բողոքում ենք, որ թշնամին քանդում է Արցախը, մինչդեռ ինքներս զբաղված ենք մեր քաղաքը քանդելով` մի խոշոր պատառ հացի դիմաց: Մենք դա անում ենք նաղդային հոգեբանությամբ, վայրի կապիտալիզմով տոգորված, անարգանքով դեպի սեփական անցյալը: Մենք մեր հորինված, միֆերով անցյալն ենք հիշում, իսկ մեր անմիջական անցյալը ջնջում ենք»,- Factor TV-ի հետ զրույցում տեսակետ է հայտնում արձակագիր, հրապարակախոս Գևորգ Տեր-Գաբրիելյանը:

Նա խոսում է քաղաքային իշխանությունների, Երևանում կազմակերպվող հանդիսությունների մասին`նշելով, որ իշխային մտածելակերպը, վերևներից պարտադրանքը հաճախ ապստամբության առիթ է տալիս, ինչպես դա եղավ, օրինակ, Փարաջանովի 100-ամյակի առթիվ կազմակերպված պերֆորմանսի ժամանակ. «Օպերան Երևանի պորտն է, ճաղերով փակելը քաղաքացու իշխանության, ազատության հսկայական սահմանափակում էր: Առհասարակ, մեր քաղաքում մասշտաբային, մասսայական հանդիսությունները չափից շատ են: Ժողովրդին տալիս են հաց և հանդես ու քանդում են Երևանը, մարդկանց ուղեղները թամաշաներից մթագնել է»:

Գևորգ Տեր-Գաբրիելյանը շեշտում է, որ այդպիսի հանդիությունների հետևանքով հաճախ քաղաքային միջավայրն է տուժում. «Ծառերի, պատմական շենքերի մեջ մեխեր են խփում, Կիրովի մանկական զբոսայգում երկու տարի է` վրան են դրել, որը սահմանափակել է մարդկանց անցուդարձը, ու դու` որպես քաղաքացի, զորություն չունես, որ ազդես իրավիճակի վրա»:

Մանրամասները`տեսանյութում:

Աննա Բաբաջանյան