05.04.2026 | 18:49
Հունգարիա գնացող գազատարի մոտ պայթուցիկ է հայտնաբերվել․ Վուչիչ
«Վրացական երազանք»-ը մտադիր է ընդդիմության դեմ բողոք ներկայացնել դատախազություն
Քաղաքականություն
01.11.2024 | 18:09
«Վրացական երազանք»-ը բողոք կներկայացնի դատախազություն ընդդեմ ընդդիմադիր կուսակցությունների, որոնց պատճառով, ըստ իշխող կուսակցության, «Վրացական երազանքը» ձայներ է կորցրել 2024 թվականի խորհրդարանական ընտրություններում։ Այս մասին մամուլի ասուլիսում հայտարարել է խորհրդարանական մեծամասնության առաջնորդ Մամուկա Մդինարաձեն, գրում է Գրուզիա օնլայնը։
«Կան կոնկրետ ընտրողներ, նրանք բացահայտված են որպես «Վրացական երազանքի» կողմնակիցներ։ Երբ նրանք գնացել են ընտրատեղամաս, պարզվել է, որ նրանց հանել են ցուցակներից։ Պարզվել է, որ նրանք նշանակվել են Ազգային շարժման կլաստերի տարբեր կուսակցությունների ներկայացուցիչներ այլ տեղամասերում՝ հաճախ իրենց բնակության վայրից և համապատասխան տեղամասից հեռու։ Օրինակ՝ «Վրացական երազանքի» պայմանական շարքային համակիր Մամուկա Մդինարաձեն, որը կգնար իր ընտրատեղամաս Սաբուրթալոյում, պարզել է, որ իրեն նշանակել են, օրինակ, որպես «Ազգային շարժման» ներկայացուցիչ մեկ այլ տեղամասում։ Արդյունքում մեր շատ կողմնակիցներ չեն կարողացել քվեարկել»,- ասել է Մդինարաձեն։
Ըստ նրա՝ ընտրությունների օրը նման 81 դեպք է գրանցվել։ «Վրացական երազանքի» անդամը նաև պնդում է, որ որոշ դեպքերում ընդդիմության ներկայացուցիչները «շարժական քվեատուփի միջոցով քվեարկելիս դիտավորյալ թույլ չեն տվել ընտրողներին ստորագրել»:
«Մենք խոսում ենք երկու սխեմայի մասին՝ ինչպես են նրանք հետապնդում յուրաքանչյուր ձայն, ինչպես են գողանում ընտրությունները «Վրացական երազանքի» կողմնակիցներից»,- հայտարարել է Մամուկա Մդինարաձեն:
Թարգմանությունը՝ Տաթև Ֆռանգյանի
