09.08.2026 | 15:05
ՀՀ ԶՈՒ ՀՕՊ զորքերը պարապմունքներ են անցկացրել «Կարիճ» և «Լուսան» համալիրներով
Բլինքենը չի մասնակցի Բաքվում կայանալիք COP29-ին` ի տարբերություն նախորդ համաժողովների
Քաղաքականություն
01.11.2024 | 11:56
ԱՄՆ պետքարտուղար Էնթոնի Բլինքենը չի մասնակցի Բաքվում կայանալիք ՄԱԿ-ի կլիմայական COP29 համաժողովին։ Պետքարտուղարության տարածած հաղորդագրության համաձայն՝ նոյեմբերի 11-22-ը Բայդեն-Հարիսի վարչակազմի բարձրաստիճան պաշտոնյաներն ԱՄՆ-ի ավելի քան 20 գերատեսչություններից, գործակալություններից և կազմակերպություններից բաղկացած պատվիրակությամբ կմեկնեն Բաքու՝ COP 29-ի համաժողովին։ ԱՄՆ պատվիրակությունը գլխավորելու է նախագահ Ջո Բայդենի կլիմայի միջազգային քաղաքականության գծով ավագ խորհրդական Ջոն Պոդեստան։
ԱՄՆ պատվիրակության կազմում են՝ գյուղատնտեսության նախարար Թոմաս Վիլսակը, էներգետիկայի նախարար Ջենիֆեր Գրանհոլմը, նախագահի օգնական և Սպիտակ տան կլիմայի հարցերով ազգային խորհրդական Ալի Զաիդին, Սպիտակ տան շրջակա միջավայրի որակի խորհրդի նախագահ Բրենդա Մալորին, էներգետիկայի փոխնախարար Դեյվիդ Թյուրքը, ներքին գործերի փոխնախարարի պաշտոնակատար Լաուրա Դանիել-Դևիսը, Շրջակա միջավայրի պահպանության գործակալության փոխտնօրենի պաշտոնակատար Ջեյն Նիշիդան, օվկիանոսների և մթնոլորտի առևտրի փոխնախարար Ռիկ Սփինրադը և պետքարտուղարի՝ սպառազինությունների վերահսկման և միջազգային անվտանգության հարցերով տեղակալ Բոնի Ջենիքսը։
ԱՄՆ պատվիրակությունը կներառի կառավարության այլ պաշտոնյաների լայն շրջանակ։
Ներկայացված ցուցակից բացակայում է ԱՄՆ պետքարքարտուղար Էնթոնի Բլիքենը, ինչպես նաև ԱՄՆ ՄԶԳ ղեկավար Սամանթա Փաուերը, որոնք մասնակցել են COP 28 (Դուբայ) և COP 27 (Եգիպտոս) կլիմայական համաժողովներին։
Թարգմանությունը՝ Էմմա Չոբանյանի
