30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Բուլղարիայի, Ալբանիայի և Կոնգոյի ղեկավարները կմասնակցեն Բաքվում կայանալիք COP29-ին
Քաղաքականություն
31.10.2024 | 16:42
Բուլղարիայի նախագահ Ռումեն Ռադևը կգլխավորի բուլղարական պատվիրակությունը ՄԱԿ-ի կլիմայի փոփոխության (COP29) համաժողովում, որը կանցկացվի նոյեմբերի 11-22-ը Բաքվում։ Ամենաբարձր՝ Ռադևի մակարդակով մասնակցության մասին որոշումը կայացվել է հոկտեմբերի 30-ին, հաղորդում է բուլղարական BTA պետական գործակալությունը, որին վկայակոչում են ադրբեջանական լրատվամիջոցները։
Նոյեմբերի 11-ին COP29-ի պաշտոնական բացումից հետո նոյեմբերի 12-13-ը տեղի կունենա համաշխարհային առաջնորդների գագաթնաժողովը, որտեղ Ռադևը կներկայացնի Բուլղարիան կլիմայի վերաբերյալ բանակցություններում։ Միջոցառման շրջանակում կկազմակերպվի բուլղարական տաղավար Green Transition Forum 4.0 նախաձեռնությամբ, որը կոչված է միավորել էներգետիկ անցման ոլորտի ընկերություններին և փորձագետներին:
Ալբանիայի վարչապետ Էդի Ռաման նույնպես մասնակցելու է COP29-ին, հայտնել է Բաքվում Ալբանիայի նորանշանակ արտակարգ և լիազոր դեսպան Բեսարտ Կադիան այսօր Ադրբեջանի նախագահ Իլհամ Ալիևին հավատարմագրերը հանձնելու ժամանակ։
Կլիմայական համաժողովին մասնակցելու է նաև Կոնգոյի Դեմոկրատական Հանրապետության նախագահը։
Նախօրեին հայտնի էր դարձել, որ Բաքվում կայանալիք կլիմայական գագաթնաժողովին մասնակցելու են նաև Իսրայելի ու Լատվիայի նախագահները։
Թարգմանությունը՝ Էմմա Չոբանյանի
