08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Լատվիայի նախագահը կմասնակցի Բաքվում կայանալիք COP29-ին
Քաղաքականություն
30.10.2024 | 21:13
Լատվիայի նախագահ Էդգարս Ռինկևիչսը հաստատել է իր մասնակցությունը նոյեմբերին Բաքվում կայանալիք COP29 կլիմայական համաժողովին։ Այս մասին ադրբեջանական Report-ին հայտնել է Ադրբեջանում Լատվիայի դեսպան Էդգարս Սկույան։
«Լատվիայի նախագահ Էդգարս Ռինկևիչը հաստատել է իր մասնակցությունը COP29-ին։ Նա Բաքու կժամանի պատվիրակության հետ և այստեղ կլինի պաշտոնական բացմանն ու COP-ի բոլոր հիմնական միջոցառումներին»,- ասել է դեսպանը:
Նրա խոսքով՝ Լատվիան լայնորեն ներկայացված կլինի կլիմայական համաժողովում։ Մասնավորապես, նախատեսվում է գյուղատնտեսության նախարարի գլխավորած պատվիրակության մասնակցությունը, հնարավոր է նաև այլ նախարարների և գործարար պատվիրակությունների մասնակցություն։
Այսօր ավելի վաղ Իսրայելի նախագահն էր հայտարարել, որ մասնակցելու է Բաքվում կայանալիք COP29-ին։
Կլիմայական համաժողովը Բաքվում կմեկնարկի նոյեմբերի 11-ին։
Թարգմանությունը՝ Էմմա Չոբանյանի
