22.11.2024 | 19:18
Կարեն Սարուխանյանը հրապարակել է օրգանիզմում թմրանյութի առկայությունը ստուգող թեստի արդյունքները
Իսրայելի նախագահը կայցելի Բաքու՝ մասնակցելու COP29-ին
Քաղաքականություն
30.10.2024 | 15:40
Իսրայելի նախագահ Իցհակ Հերցոգը հայտարարել է, որ այս տարվա ՄԱԿ-ի կլիմայական համաժողովում՝ COP29-ում, որը տեղի է ունենալու Բաքվում, երկիրը կներկայացնի ինքը, գրում է The Times of Israel-ը։
Նախագահական նստավայրում կայացած հանդիպման ժամանակ իսրայելական պատվիրակության հետ զրույցում Հերցոգը նշել է կլիմայի փոփոխության և տարածաշրջանային համագործակցության կարևորությունը՝ այն ժամանակ, երբ «չարիքի առանցքը (Իրանը և նրա պրոքսիները] փորձում է շրջապատել բոլոր կողմերից»:
Ըստ իսրայելական պարբերականի՝ վարչապետ Բենիամին Նեթանյահուի այց Բաքու չի սպասվում։
Ավելի վաղ The Hindustan Times-ը հայտնել էր, որ Հնդկաստանի վարչապետ Նարենդրա Մոդին չի մասնակցելու Բաքվում կայանալիք կլիմայական գագաթնաժողովին։ Լրատվամիջոցը նշել է, որ պետությունների կամ կառավարությունների ղեկավարների մասնակցության մասին փաստաթղթի համաձայն՝ Չինաստանի նախագահ Սի Ցզինպինը, ԱՄՆ նախագահ Ջո Բայդենը և Ֆրանսիայի նախագահ Էմանուել Մակրոնը նույնպես այն առաջնորդների թվում են, որոնք, ըստ կանխատեսումների, բաց կթողնեն COP29-ը:
Թարգմանությունը՝ Էմմա Չոբանյանի
