07.10.2026 | 20:38
Միկել Արտետան նոր պայմանագիր է կնքել «Արսենալի» հետ
Իրանը կպատասխանի Իսրայելի հարձակմանը մինչև ԱՄՆ նախագահական ընտրությունները․ CNN
Քաղաքականություն
31.10.2024 | 12:45
Նոյեմբերի 5-ին կայանալիք ԱՄՆ նախագահական ընտրություններից առաջ Իրանը կարող է պատասխանել Իսլամական Հանրապետության տարածքին Իսրայելի կողմից վերջերս հասցված հարվածին։ Այս մասին հայտնում է CNN-ը՝ հղում անելով իր աղբյուրներին։
«Իրանի Իսլամական Հանրապետության պատասխանը սիոնիստական ռեժիմի ագրեսիային կլինի վճռական և ցավոտ»,- ասել է աղբյուրը։
Ըստ հրապարակման՝ հարվածի որոշումը կարող է ցույց տալ, որ Թեհրանը հրաժարվում է իսրայելական հարձակման ծանրությունը նվազեցնելու իր սկզբնական ռազմավարությունից:
Իսրայելական կողմը հոկտեմբերի 26-ի գիշերը հարվածել էր Իրանի ռազմական օբյեկտներին։ Թիրախները եղել են հրթիռային գործարաններն ու հակաօդային պաշտպանության համակարգերը։ Իրանական կողմը հայտնել է, որ հարձակումը հետ է մղվել, սակայն «սահմանափակ վնաս» է հասցվել։ Axios-ի տվյալներով՝ իսրայելական հարվածը շարքից դուրս է հանել Իրանում բալիստիկ հրթիռների արտադրության առանցքային բաղադրիչը։
Ավելի վաղ Իրանը հայտարարել էր Իսրայելին պատասխանելու իր իրավունքի մասին։
Թարգմանությունը՝ Տաթև Ֆռանգյանի
